I have to start two new songs. good luck to myself. I hope I can finish them on time.

百密一疏

今天要伴奏，但帶的琴譜欠了一頁。要立即即場默琴譜，幸好也過了關，沒有弄衰學生考試。

下次要再小心點，不要再帶未用過的新譜。唉~~

I can't get you out of my head, damn, how can you have a gf?

God, please help me to stop thinking of someone i shouldn't like.

咁快又到零八年既最後一日，一年又過左。今年都算做得多野，雖然好似樣樣都無乜結果，做左好等於無做，但係總好過乜都唔做。

而家最鍾意睇係音樂頒獎禮，聽到好多熟識既名字，就會幻想下有朝一日我會聽到自己個名。

(發夢就得-_-)

呢年做過D乜呢?又係時候大事回顧下:

登登登登.....

年頭去左color既春茗啦，果次係我第一次去春茗呀，幫color做野咁耐第一次可以見下其他color既成員，都幾開心架。成日都好恨有同事，今次真係比我一次見到夠。果日出席既全部都係hiphop友，有dj Tommy 同dj galaxy 伉儷，仲有gary，仲有呀毅啦，mastermic同埋大森美...雖然大家平時做野都見唔到其他人，但係都叫做間接一齊做過野好多次呢。嗯..香港得一隊農夫真係唔夠架，真係好希望黎緊呢幾年有多幾隊hiphop組合爆出!!

另外一件人生大事就係暑假果陣就去左BERKLEE同MI啦，真係眼界大開!!去左美國睇左我呢一世都有可能無機會再見到既勁機同勁人，同埋可以見番浸會同學仔又識到新朋友，真係好難忘。好記得果三個禮拜係我一生人覺得最充實同美好既日子，雖然日日燒銀紙，又成日蕩失路，有d美國佬又串爆。但係真係好想再去，有時發夢會係返HOLLYWOOD 條街到跑...遺憾就係去唔到ELAINE果到探佢同埋無乜周圍玩...我真係好想去NEW YORK同LAS VEGAS，好掛住果度d美國乜都XXL既餐飲文化，咁我可以食一餐當兩餐，慳返唔少。去到果度我真係覺得好似去左大人國咁，美國我一定會再去既~

跟住就係做BAR 既琴手啦，一直都恨左好耐，但係做落同想像真係兩回事。唉，一直都好proud of 自己既適應能力，原來錯哂。其實本身都唔錯架，可以彈下琴唱下歌，又酒水任飲，又可以識下男仔。但原來我既工作性質，係要彈琴+MC+推PANEL+教mic+同客social兼唔比佢地抽水同埋搞部琴...結果兩個月就無做啦，破左我最快唔撈既記錄。

最慘痛係自己唔小心上左''太空''，原來係一個厄錢既騙局。二萬幾蚊同埋三個月既青春就咁無左，不過咁都好既，有d野真係要試過先會死心，失去左先知道重要。

新既一年，WISH ALL OF YOU DREAMS COME TRUE AND EVERYTHING GO SMOOTH~

HAPPY NEW YEAR!